Введите текст для поиска
Расширенный поиск каналов

«Кугарня» газет – «Марий Эл» увер агентстве»

@kugarnya_official
Гео и язык канала: Россия, Финский
Категория: Новости и СМИ

Гео и язык канала
Россия, Финский
Категория
Новости и СМИ
Статистика
Это ваш канал? Подтвердить права История канала
«Кугарня» газет – «Марий Эл» увер агентстве»

2 Oct, 08:30

Открыть в Max Поделиться
У НОМЕР 🍁
74 1
«Кугарня» газет – «Марий Эл» увер агентстве»

1 Oct, 13:51

Открыть в Max Поделиться
Марий Эл гыч тракторист-машинист «Российын эн сай механизаторжо» лӱм верч вийжым терга

Тиде кечылаште Тамбовышто «Механизатор» номинацийыште «Профессий дене эн сай» всероссийский профессионал мастарлык конкурсын федеральный этапше эрта. Сеҥымаш верч Советский район Вятское посёлкысо Аграрно-строительный техникумын тракторист-машинистше Эдуард Сурков кучедалеш.

Эн тале механизатор лӱм верч чылаже Российын 21 регионжо гыч специалист-шамыч таҥасат. Эн самырык участниклан 23 ий, а эн опытанлан – 61 ий, увертареныт Марий Элысе Паша да социальный аралтыш министерствыште.

⚡️Сеҥышылан тӱҥ пӧлек – 1 000 000 теҥге. Кокымшо верыш лекше участник 500 тӱжем теҥгем налеш, кумшо верлан – 300 тӱжем теҥге.

Конкурс «Кадры» нацпроектын «Человек труда» федеральный проектше почеш эртаралтеш.
67 2
«Кугарня» газет – «Марий Эл» увер агентстве»

1 Oct, 13:50

Открыть в Max Поделиться
Шуматкечын лум лийын кертеш 🌨

Республикыштына шокшо кече-влак мучашке лишемыт. Куван кеҥеж мемнан деч кая.

Эрла гыч юж температур кечывалым 9 градус шокшо марте вола.

Gismeteoн прогнозшо почеш 3 октябрьыште, шуматкечын, 6 градус марте шокшо веле лиеш. А йӱдым градус 0 марте вола. Тыгодым йӱр ден ночко лумым вучыман.
45
«Кугарня» газет – «Марий Эл» увер агентстве»

1 Oct, 13:49

Открыть в Max Поделиться
⛽ Элыштына топливе ситыдымаш ситуацийым тӧрлымӧ паша умбакыже шуйна.

Икмыняр регионышто розницыште бензин дефицит аралалт кодеш, тидын шотышто шотышто ограничений-шамыч пашам ыштат. Тыгак топливылан ак кӱзымым палемдат.

Правительстве Председательын алмаштышыже Александр Новак верысе топливе дефицитым пытарышашлан да элгӧргӧ рынкыште акым стабилизироватлышашлан оперативный решенийым приниматлаш задачым шынден. Топливым ыштен лукмо предприятий-влакым тергымаш да акым шындымым тергымаш каят.
46
«Кугарня» газет – «Марий Эл» увер агентстве»

1 Oct, 13:48

Открыть в Max Поделиться
1 октябрь – ИЛАЛШЕ-ВЛАКЫН КЕЧЫШТ🪴

🧮 Марий Элыште 2700 наре илалше еҥ ила. Россий Социальный фондын Марий Элысе отделенийже 90 ияш да кугурак ийготан 2 276 ӱдырамашлан да 419 пӧръеҥлан кугемдыме пенсийым тӱла.

Российысе Пенсионный да социальный страхованийын Марий Элысе отделенийын данныйже почеш, 2026 ий 1 январьлан 198,7 тӱжем пенсионер учётышто шоген.

👏«Кугарня» газет редакций лӱм дене тыланена пеҥгыде тазалыкым, кужу ӱмырым да чыла порым гына!
60 2
«Кугарня» газет – «Марий Эл» увер агентстве»

30 Sep, 16:58

Открыть в Max Поделиться
Видео недоступно для предпросмотра
Смотреть в Max
📺🎼 МЭТРрыште – «МУРО ТВ» у программе

Тиде каныш кечылаштак Марий Эл Радион да МЭТР Телеканалын пырля ыштыме у сем проектышт – «МУРО ТВ» – тӱҥалеш. У, хит да эн йӧратыме клип-влакым ончыктат!

Кунам ончаш:
🔸Шуматкече – 19:00
🔸Рушарня – 9: 00

Вӱдышӧ: Дмитрий Веденькин.
59
«Кугарня» газет – «Марий Эл» увер агентстве»

30 Sep, 16:00

Открыть в Max Поделиться
🎭1-10 октябрь марте Йошкар-Олаште Э.Сапаев лӱмеш Марий кугыжаныш опер да балет театрыште Андрей Эшпай лӱмеш VI опер сымыктыш фестиваль эрта.

Сценыште российысе вӱдышӧ театр-влакын ӱжмӧ шӱдырышт выступатлаш тӱҥалыт. Ончышо-влаклан Джузеппе Вердин «Аидажым», тыгак Пётр Чайковскийын «Евгений Онегинжым» да «Иолантажым» ончыктат.

🎼Фестивальын тӱҥ событийже композитор Эллина Архипован режиссёр Михаил Панджавидзен шындыме «Алдиар» опержын премьерже лиеш. Лач тиде произведений дене фестиваль почылтеш да мучашлалтеш.

Марий Элысе Минкультурышто ойленыт: «Алдиарын» сюжетшым XVI курымыш – Иван Грозный да Марий кундемым Руш кугыжанышыш ушымо жапыште – кусара. Историйын рӱдыштыжӧ – сонарзе Алдиарын йӧратымаш историйже. Оперыште кугу хор сцене-влак посна верым налыт, событийын эпичностьшым палемдат.
46
«Кугарня» газет – «Марий Эл» увер агентстве»

30 Sep, 15:17

Открыть в Max Поделиться
🤱🎓179 мӱшкыран студентке выплатым налын

Марий Элыште вузлаште да кыдалаш образовательный учрежденийлаште тунемше ончыкылык ава-влак ик гана тӱлыман выплатым – 100 тӱжем теҥгем – налын кертыт. Ты полыш аза шочмым кугемдыме регионысо программе да «Еш» нацпроект дене келшышын пуалтеш.

Выплатым очный, заочный але очно-заочный формо дене тунемше мӱшкыран студентке-шамычлан, тыгак академический отпускышто улшо-влаклан пуат.

1 сентябрьысе данный почеш, выплатым 179 ончыкылык ава налын. Тений 270 студентке тиде полыш дене пайдаланен кертеш манын шонат, палемденыт Марий Элысе Паша да социальный аралтыш министерствыште.
34
«Кугарня» газет – «Марий Эл» увер агентстве»

30 Sep, 15:16

Открыть в Max Поделиться
🚨Эртыше кечыште Марий Элыште ПДД-м пудыртышо 189 утла нарушенийым палемдыме. 5 йӱшӧ водительым кученыт, 6 транспортный средствам специализироватлыме стоянкыш вераҥдыме. Тонировко шотышто правилым пудыртышо 40 наре водительым мут кучаш шогалтыме. Лӱдыкшыдымылык ремень дене пайдаланыме деч посна кудалмылан 10 наре водительлан мут кучаш логалеш. Тылеч посна корно лӱдыкшыдымылык правилым пудыртышо 8 йолешкым мут кучаш шогалтыме.

📲 Марий Элысе Госавтоинспекций ушештара: корно лӱдыкшыдымылык правилым пудыртышо водитель але йолешке-влак нерген (8362) 68-05-05 номеран телефон дене Марий Элысе МВД-н Госавтоинспекцийжын ДПС посна спецбатальонжын дежурный частьышкыже йыҥгыртен увертараш лиеш.
31
«Кугарня» газет – «Марий Эл» увер агентстве»

30 Sep, 15:15

Открыть в Max Поделиться
25 сентябрьыште Татарстан кундем Актаныш районысо Йӱштӧ Памаш (Мари-Суксы) ялыште уэмдыме деч вара памашым почыныт.

Марий ялыште илыше-влаклан тиде вӱд памаш гына огыл, а шнуй вер. Йӱштӧ Памаш – Актаныш кундемын шкешотан илемже. Тиде верысе ик ял гына шке шкешотан ойыртемжым, шочмо марий йылмыжым да кугезе-шамычын поян тӱвыраштым переген арала.

📸 Марийцы Татарстана и Казаниофициальная группа
54
«Кугарня» газет – «Марий Эл» увер агентстве»

29 Sep, 09:51

Открыть в Max Поделиться
♨️ Йошкар-Оласе илыме пӧртлаште шокшым арня гыч пуат.

1 октябрь гыч Йошкар-Оласе йочасадлашке, школлашке, эмлымверлашке да моло социальный учрежденийлашке организаций-шамычын йодмашышт почеш шокшо пураш тӱҥалеш. 5 октябрь гыч шокшым илыме пӧртлашке пуаш тӱҥалыт.

💬 Тидын нерген Йошкар-Олан мэржын вриожо Антон Трудинов увертарен.

Алиса AI нейросеть дене ыштыме фото.
61 2
«Кугарня» газет – «Марий Эл» увер агентстве»

29 Sep, 09:41

Открыть в Max Поделиться
Репост из: Марий Эл Радио
Тӱвыра, печать да калык-влакын пашашт шотышто министр, Э. Сапаев лӱмеш марий кугыжаныш академический опер да балет театрын художественный вуйлатышыже Константин Иванов Санкт-Петербургышто XII Тӱнямбал форумын участникше лийын.

Программе дене келшышын, тудо искусственный интеллектын театр пашашке вийым пыштымыже шотышто секцийыште выступатлен. Марий театрлан тиде теме лишыл. Константин Иванов регионыштына «Снегурочка» AI-балетым ыштыме шкешотан опыт дене палдарен. Тиде проектыште йӱлаш пурышо балет цифровой технологий дене вашлийын: балетыште сӱрет-влакым нейросеть полшымо дене ыштеныт. Тудым опер да балет театрын, «Марий Эл» кугыжаныш куштышо ансамбльын артистше-влак пырля шынденыт. 6 октябрь гыч тиде постановкым Россий тӱвыра министерствын «Мы - Россия» федерал программыже дене келшышын Уфаште, Челябинскыште, Тюменьыште, Курганыште, Нефтеюганскыште, Нижневартовскышто да Ханты-Мансийскыште ончыктат.
74 1
«Кугарня» газет – «Марий Эл» увер агентстве»

28 Sep, 15:47

Открыть в Max Поделиться
🤱Марий Элыште Белоснежка шочын!

Марий Элысе Юстиций министерствыште 2026 ий августышто йоча-влаклан могай лӱмым пуымо нерген палдареныт.

🔹Эрге-шамычым Лев, Мирон, Илья, Михаил, Егор, Тимофей манын лӱмденыт.
🔸Ӱдыр-влакым: София, Анна, Василиса, Мария, Ева.

А эше ача-ава-шамыч шуэн вашлиялтше лӱмым ойыреныт:
🔹Эстай, Анатолий, Борис, Виктор, Гавриил, Демьян, Елисей, Захар, Клим, Моисей, Ростислав, Святослав, Трофим, Филипп, Юрий.
🔸Агнесса, Ассоль, Белоснежка, Герда, Елена, Лукерья, Майя, Ольга, Пелагея, Таисия, Ульяна.

📸 Алиса AI нейросеть дене ыштыме фото.
61 1
«Кугарня» газет – «Марий Эл» увер агентстве»

28 Sep, 14:54

Открыть в Max Поделиться
🏃27 сентябрьыште Йошкар-Олаште «Нацийын кроссшо – 2026» спорт мероприятий лийын.

Ты кечын «Марий Эл» Ий полат воктене куржталаш йӧратыше ятыр еҥ погынен. Тенийысе кросс Россий калык-влакын икоян улмо идалыкшылан пӧлеклалтын. Тудо «Спорт» кугыжаныш программе почеш эртаралтеш. Таза илыш-йӱлам кучымылан, физкультур дене заниматлаш кумылаҥдымылан виктаралтын.

Участник-влак 2026 гыч 8000 метр наре дистанцийым куржмаште вийыштым тергеныт. Сеҥыше-шамычым тӱрлӧ ийготышто палемденыт.

📸Марий Элысе Спорт министерствын сайтше гыч налме фото.
51 3
«Кугарня» газет – «Марий Эл» увер агентстве»

28 Sep, 14:13

Открыть в Max Поделиться
🚨Эртыше кум кечылаште Марий Элыште 16 йӱшӧ водительым кученыт. Тыгак – транспортым права деч посна виктарыше 18 еҥым. 30 транспортный средствам специализироватлыме стоянкыш вераҥдыме. Тонировко шотышто правилым пудыртышо 100 наре водительым мут кучаш шогалтыме. Лӱдыкшыдымылык ремень дене пайдаланыме деч посна кудалмылан 40 наре водительлан мут кучаш логалеш. Тылеч посна корно лӱдыкшыдымылык правилым пудыртышо 7 йолешкым мут кучаш шогалтыме.

📲Марий Элысе Госавтоинспекций ушештара: корно лӱдыкшыдымылык правилым пудыртышо водитель але йолешке-влак нерген (8362) 68-05-05 номеран телефон дене Марий Элысе МВД-н Госавтоинспекцийжын ДПС посна спецбатальонжын дежурный частьышкыже йыҥгыртен увертараш лиеш.
38 2
«Кугарня» газет – «Марий Эл» увер агентстве»

28 Sep, 14:12

Открыть в Max Поделиться
🎾 Медведево районысо Кугу Ноля ялыште теннис рӱдерым торжественно почыныт.

Церемонийыште Марий Эл спорт министрын алмаштышыже Андрей Черепанов лийын.

У спорт объект теннисым йӧратыше чыла еҥым вашлияш ямде, палемденыт Республикысе Минспортышто.
36 3
«Кугарня» газет – «Марий Эл» увер агентстве»

28 Sep, 14:12

Открыть в Max Поделиться
Кугарнян, 2 октябрьыште, 16 шагатлан Санкт-Петербург гыч Руш тоштер Йошкар-Оласе Национальный художественный галерейыште «Николай Рерих» (6+) ончерым почеш.

Тушто Руш тоштерын эн поян погынжо гыч сӱретчын 89 произведенийже ончыкталтеш.

1960 ийыште Юрий Рерих, ачажын сугыньжым шуктен, Руш тоштерлан индий жапысе 350 утла произведенийым пуэн. Тидлан кӧра тоштер сӱретчын ик эн тичмаш коллекцийжын озаже лийын.

📍Ончер Национальный художественный галерейыште 2027 ий 24 январь марте тыгай адрес дене пашам ышташ тӱҥалеш: Йошкар-Ола, Ленин проспект, 24.

🤝Мероприятийым Россий Минкультурын полшымыж дене «Тӱвыра» нацпроект дене келшышын организоватлыме.
37 3
«Кугарня» газет – «Марий Эл» увер агентстве»

28 Sep, 14:11

Открыть в Max Поделиться
Йошкар-Олаште XVI «МАЙАТУЛ» эрта 🎭

Тений тудо фестивальлан тӱҥалтышым пыштыше кокла гыч иктыже, уста марий режиссёр Василий Пектеевым шарнымылан пӧлеклалтын.

Мероприятий тений фестиваль-конференций семын эрта. Кумда научно-практический конференцийыште доклад дене вӱдышӧ эксперт-влак выступатлаш тӱҥалыт. Национальный театр-влакын еҥышт шке паша опытышт дене палдарат, Россий вузлаште национальный театр-влаклан актёр-шамычым ямдылыме шотыштат кутырат.

«Майатул» В.Пектеевын шындыме «Югорно» эпос дене почылто. Теҥгече В.Пектеевынак режиссёр семын войзымо (тудо эше тушто ик эн тӱҥ рольым модеш) «Кава пундашышке йолгорно» кинофильмым ончышна. Ты фильмым 1992 ийыштак сниматлыме да тӱрлӧ амаллан кӧра калык деке лектын шуын огыл ыле. Мероприятий В.Пектеевын шындыме «Окса тул» постановко дене мучашлалтеш.

Фестиваль-конференций жапыште Беларусь Республик гыч Якуб Колас лӱмеш Национальный академический драмтеатр «Безумный день или женитьба Фигаро» спектакльым темлыш, а таче Абхазий гыч С.Чанба лӱмеш кугыжаныш драмтеатр «Король Лир» постановкыш ӱжеш.
Фойеште фотограф Валерий Тумбаевын В.Пектеев нерген фотовыставкыжым ужаш лиеш.

📸В.Тумбаевын фотожо.
41 3
«Кугарня» газет – «Марий Эл» увер агентстве»

28 Sep, 14:10

Открыть в Max Поделиться
🍁28 СЕНТЯБРЬ – 4 ОКТЯБРЬЛАН КАЛЫК ПАЛЕ

28 сентябрьыште чоҥештыше комбо тӱшкам ужаш – вашке игече йӱкшемдымылан.

29 сентябрьыште мыняр шокшырак да кукшырак лиеш, теле тунар вара толшаш, да телым чот йӱштӧ лийшаш огыл.

30 сентябрьыште эр гычак тӱтыра мланде мучко шарла, но кечывал лишан пыта гын — шыже кужу да леве лийшаш. А теве игече кече мучко тӱтыран шога гын, теле иканаште толшаш да чот йӱштӧ лийшаш.

1 октябрьыште игече могай шога, тыгаяк игечым пел ий гыч 1 апрельлан вучыман.

2 октябрьыште эрдене покшыман – игече кукшо да ояр лийшаш.

3 октябрьыште леве да ояр игече шога гын, шыже кужу да сай лийшаш.

4 октябрьыште чотырак йӱкшемден колта гын, сай игече дене чеверласаш лиеш.
56 3
«Кугарня» газет – «Марий Эл» увер агентстве»

25 Sep, 11:40

Открыть в Max Поделиться
8-9 октябрьыште ЙошкарОлаште «Туристический сувенир» федеральный премийын полуфиналже лиеш. Тушто элнан тӱрлӧ кундемже гыч эн чапле сату-влакым ончыктат.

9 октябрьыште Йошкар-Оласе Курчак театрын фойештыже туристический сувенир сату-влакын кугу ярмиҥга ончерыштым чумырат. Тудо 10 гыч 18 шагат марте пашам ышташ тӱҥалеш. Тушто регион-влакын тӱвыра да историй поянлыкыштым радамлыше арвервлакым ужаш, мастар еҥ-шамыч деч авторский пашаштым налаш, конкурсын участникше-шамыч дене палыме лияш да нунын опытыштлан эҥерташ, у парнёр-влакым муаш йӧн лиеш.

📸 Туризм в Республике Марий Эл
68 3
Показано 20 последних публикаций.