Бер көлик әле! 😆

Көлү – гомерне озайта,
Әйдә, бер көлик әле!
Үзебезнең тормышларга
Карап кеткелдик әле.

Йөз сумга артты пенсия,
Көлми кая барасың?
Меңәр сумга арттырдылар
Салымнарның бәясен.

"Хезмәт хаклары арта," - дип
Телевизор гел сөйли.
Салымнар да арталар шул -
Әй, яшибез "весёлый"!

Гомер озынайган икән,
Сәламәтлек яхшырган.
Бишәр ел күбрәк эшлисе -
Аллаһыга тапшырган.

Яшьләрнең хәзер күбесе
Институт бетерә.
Диплом бар - эшкә алмыйлар,
Стаж булмаганга күрә.

Стажлылар эш эзләсә,
"Кая, диләр, дипломың?"
Кызык гомер итүләре,
Өзелсә хезмәт юлың.

45тән узганнарга
Тагын да күңеллерәк.
Җилекләрең суырылгач,
Син хәзер кемгә кирәк?

Көлү гомерне озайта,
Яшик без көлеп кенә.
Ләкин авыз еру кирәк
Чамасын белеп кенә.

"Күп белә", - диеп ябарлар
Берәр "дурдом"га илтеп.
Бер атнадан чыгарырлар
Гел көлә торган итеп.😅

Исхак Фәйзуллин.
_______
Шигырь ошаса, ❤куегыз, дуслар!
Тагын бер шаян ШИГЫРЬ укый аласыз.