🍁❄️ Беренче кар ❄️🍁

Беренче кар җиргә төшә,әнә.
Тик ул эрер,озак торалмас.
Тәбигатьне булмас шул туктатып
Кышка таба инде юл алгач.

Елак көзгә безне алып кергән
Беренче кар җепшек күренә.
Көтелмәгән тансык шатлык булып
Кереп калсын иде күңелгә.

Аны күреп күңел хозурлана-
"Күрче,ничек матур!"- дип тышта.
Кырык көнлек ара калдыра да
Ашыктыра көзне ул кышка.

Беренче кар җиргә төшә,әнә-
Күңел зарыкканда сафлыкка.
Дөньяларга янә аклык өстәп
Яусын,әйдә,яусын шатлыкка! (Ф.Дәүләтбаев)