Рәсәйҙә берҙәм һайлау көндәре башланды. 18,19,20 сентябрҙә беҙ илдең парламентын һайлайбыҙ. ДәүләтДумаһының IX саҡырылыш депутаттары өсөн тауыш бирәбеҙ.

Өс көн дауамында илдең мөһим сәйәси ваҡиғаһын журналистар яҡтырта. Башҡортостанда 400 ҙән ашыу коллега аккредитацияланған. Шуларҙың 40-тан ашыуы Өфөнөң "Торатау" конгресс-холында ойошторолған Йәмәғәт матбуғат үҙәгендә эшләйәсәк. Йәғни был көндәрҙә һайлау барышы тураһында һеҙ ишеткән, уҡыған барлыҡ яңылыҡтар ошо үҙәктән еткерелә. Һыналған, рәсми сығанаҡтарҙан ғына алығыҙ мәғлүмәтте. Икеле сығанаҡтарҙан алынған тикшерелмәгән хәбәрҙәр менән башығыҙҙы бутауға юл ҡуймағыҙ.