⛽️Бензиҥҥэ уочарат биллэ уҕараабыт

Сарсыарда 11 чааска
Бороҕон арҕаа өттүгэр турар заправкаҕа тиийэ сырыттыбыт. Биир да массыына заправка былаһааккатыгар суох.

Тиийэн заправка үлэһититтэн ыйыталастым. 95-тээх баар, 92-лээх бүппүт. Уочарат аҕыйаабыт курдук диир, 92 -лээх лимиитэ ардыгар эбиэккэ диэри тиийэр эбит.

Аара суолга УАЗ массыынаны тохтотон сурастыбыт.
Суоппар Петр Трифонов:

- Мин Мындаабаҕа олорор буолан чугастыы «Туймаада-нефть» заправкатыгар куттабын. Чахчы бастакы ажиотаж курдук уһун уочарат суох буолла. Сарсыарда тиийдэххэ 11 диэки киһи куттуон сөп. Аҕыйах хонуктааҕыта массыыналар хонор этилэр дии. Ордук дэриэбинэлэртэн киирээччилэр эрэйдэнэллэр. Мин санаабар лимиити  өссө 4 туоннаҕа диэри улаатыннараллара буоллар уочарат лаппа аччыа эбит.

Бороҕон иһигэр сүүрэр суоппардар социальнай ситимҥэ ханнык  сапыраапкаҕа хастаах бензин баарын, уочарат уһунун-кылгаһын суруйсан эмиэ биир бэйэтэ кыһалҕаттан тахсыы суолун тобулбуттара үөрдэр.

✍️Анатолий Кириллин

‎Мах-каналбытыгар сурут
‎⬇️
‎https://max.ru/channel_ua_murusahargata

‎✅ @uamurusahargata @ulusmedia