Такăр çулпа çуран утма та кăмăллă

Паянхи кун кашни кил-çуртра автомобиль пур чухне çул пĕлтерĕшĕ уйрăмах пысăк. Çавна пулах республикăра пурăнакансем çак ыйтăва тĕрлĕ шайра тăтăшах хускатаççĕ, влаçсенчен пулăшу ыйтаççĕ. Макăракан ачана вара кăкăр паракан пулатех.

Мияки районĕнчи Тимеш ялĕн тĕп урамне асфальт сарас ыйтăва та вырăнта пурăнакансем пĕрре мар хускатнă. Тĕрĕссипе, кунта хăй вăхăтĕнче такăр çул пулнă, анчах та çулсем иртнĕ май вăл самай юхăннă, саплăк лартни çеç тивĕçтермен. Кăçал вара çу кунĕсенче çак вырăна çĕнĕ сăн кĕртнĕ: кивĕ асфальтăн çиелти сийне касса илсе ун çине икĕ хут çĕнĕ асфальт сарнă. Вырăн-вырăнпа çул никĕсне вакă чул хурса çирĕплетнĕ. Икĕ эрне хушшинче çатма çинчи пек такăр çул хатĕр пулнă.

Тĕплĕнрех пĕлме - https://ursassi.ru/