Введите текст для поиска
Расширенный поиск каналов

«Һәнәк» журналы, журнал «Вилы»

@club160399987
Гео и язык канала: Россия, Татарский
Категория: Книги

Гео и язык канала
Россия, Татарский
Категория
Книги
Статистика
Это ваш канал? Подтвердить права История канала
«Һәнәк» журналы, журнал «Вилы»

6 Oct, 09:33

Открыть в Max Поделиться
"Ҡарағай" шифаханаһына юлламаны кем отто?
Район һәм республика гәзит-журналдарына яҙылыусылар араһында "Башҡортостан Республикаһы" нәшриәт йорто ярты йыл һайын шәп бүләктәр уйната. Бөгөн БСТ каналында тура эфирҙа гәзитле лә, бүләкле лә булыусылар билдәләнде.
Шарт буйынса, 2026 йылдың икенсе ярты йыллығына ике баҫмаға яҙылыусылар ҡатнаша алды. Бына улар, еңеүселәр:
Ҡар таҙартыу машинаһын үҙебеҙҙең Марсель Сәлимов ағайыбыҙ эләктерҙе. Беҙ уны ихлас күңелдән ҡотлайбыҙ. Ноутбук - Нуриман районы Яңы Күл ауылынан Н. Әхтәрйәноваға, робот-саң һурҙырғыс - Ейәнсура районы Итҡол (Юлдаш) ауылынан М. Бикбаеваға, телевизор - Ауырғазы районы Усман ауылынан Ф. Әхмәтоваға, туңдырғыс Салауат районы Әлкә ауылынан А. Сиражеваға сыҡты.
Ә Мәсетле районындағы "Ҡарағай" шифаханаһына юлламаны Ҡырмыҫҡалы районы Константиновка ауылынан Марина Ипполитова отто. Ҡотлайбыҙ!
Л. Фазлетдинова.
25
«Һәнәк» журналы, журнал «Вилы»

6 Oct, 09:15

Открыть в Max Поделиться
Бер ир күрше фатирға шылтырата:
– Ғәфү итегеҙ, бөгөн кискә скрипкағыҙҙы биреп тора алмаҫһығыҙмы икән?
– Уйнап өйрәнергә теләйһегеҙме?
– Юҡ, йоҡо туйҙырырға ине.
***
– Был ни хәл?! Һеҙҙе бейеүгә саҡырыуым була, көй шунда уҡ туҡтай.
– Аптырамағыҙ, ирем – ансамбль етәксеһе.
***
Минең үҙ рок төркөмөм барлыҡҡа килде. Мин – электрогитарала, ә күршеләр батареяла уйнай. Һаман уйнап туймайбыҙ.
22
«Һәнәк» журналы, журнал «Вилы»

5 Oct, 11:50

Открыть в Max Поделиться
Видео недоступно для предпросмотра
Смотреть в Max
Ә һеҙ был хаҡта белә инегеҙме?
33
«Һәнәк» журналы, журнал «Вилы»

5 Oct, 09:00

Открыть в Max Поделиться
Байрамығыҙ менән, ҡәҙерле уҡытыусылар!
Хөрмәтле уҡытыусылар, мәғариф өлкәһендә эшләүсе хеҙмәткәрҙәр, ҡәҙерле ветерандар! Беҙ барлыҡ мәктәп уҡыусылары, ата-әсәләр, олатай-өләсәйҙәр исеменән һеҙҙе һөнәри байрамығыҙ менән ысын күңелдән тәбрик итәбеҙ. Уҡытыусы бар көсөн туплап балаларға аң-белем, тәрбиә бирергә тырыша. Уның һөнәре - Ер йөҙөндә иң изге һөнәрҙәрҙең береһелер. Фиҙаҡәр хеҙмәтегеҙ, юғары һөнәри оҫталығығыҙ, сабыр һәм ярҙамсыл булыуығыҙ өсөн ихтирамыбыҙҙы белдерәбеҙ. Һеҙгә иҫәнлек-һаулыҡ, оҙон ғүмер, йән тыныслығы теләйбеҙ. Байрамығыҙ ҡотло булһын!
37 2
«Һәнәк» журналы, журнал «Вилы»

5 Oct, 08:33

Открыть в Max Поделиться
45 1
«Һәнәк» журналы, журнал «Вилы»

2 Oct, 15:57

Открыть в Max Поделиться
43
«Һәнәк» журналы, журнал «Вилы»

28 Sep, 13:45

Открыть в Max Поделиться
ТҮРӘ ҠАТЫНЫ
Ғүмер үтте, ҡартлыҡ етте,
Күңел дә ҡуя тулып.
Йәшәп булманы донъяла
Түрә ҡатыны булып.
Теләһәм-теләмәһәм дә,
Үрнәкле булыр инем.
Һәр саҡ затлы һәм ҡиммәтле
Күлдәктәр кейер инем.
Эшләһәм-эшләмәһәм дә,
Исемдәр алыр инем,
Йылға өс тапҡыр Кипрға,
Мысырға барыр инем.
Балалар ҙа үҫер ине
Аҡҡош бәпкәһе булып.
Күрһәтер инек Аллаһтың
Ҡашҡа тәкәһе булып.
Түрә бит ул, бик кәрәкһә
Үҙенә, бисәһенә,
Яйын табып керә ала
Хөкүмәт кеҫәһенә.
Һис ғәжәп юҡ, керһә-керә,
Үҙ ҡулында — түрә бит!
Кеше һөйләй ул, барыбер,
Кермәһә лә, керә, тип.
Тик бер көн, ирҙе осорғас
Түрәлек ҡаяһынан,
Бәлһерәйеп төшөр инем
Һытылған ҡыуыҡ һымаҡ. 🥺Балалары тәртипһеҙ, тип
Ғәйбәт һатырҙар ине, 😤
Ете быуыныма ҡәҙәр
Сәйнәп атырҙар ине. 🤪
Кәрәге юҡ! Һәйбәт икән
Үҙемә тигән өлөш, 🤲
Йәшәһәм дә шәп күлдәкһеҙ
Һәм дә исемһеҙ килеш. 🤗
Быны былай ғына әйтәм,
Исем, тип китмәй иҫем.
Донъям ҡояштай түңәрәк,
Нимәгә миңә исем? 🥰
Балалар ҙа бына тигән,
Көнөм аҡ, тыныс күңел. 🤲
Иргенәм дә, бергенәм дә
Түрәнән һис кәм түгел. 😎 👍
Алдашманы, урлашманы:
Күрә хөрмәт, ихтирам. 🙏
Әлдә түрә булманың, тип,
Сәстәренән һыпырам. 😘
Фәнирә ИБРАҺИМОВА.
41 1
«Һәнәк» журналы, журнал «Вилы»

28 Sep, 13:42

Открыть в Max Поделиться
Ағас башынан юл булһа...
Хужа Нәсретдин урам аша йәйәү ҡайтып килә икән, тегеңә уҫал урам малайҙары осраған. Хужаның аяғында бик яҡшы кәлүштәрҙе күреп, былар уны нисек тә хәйләләп һалдырып алырға уйлаған.
– Әйҙә тура юлдан ҡайтайыҡ, – тигән булып, уны ҡуйы ағастар араһына алып кергәндәр ҙә: “Аҙаштыҡ, шикелле, һин Хужа абзый, ағас башына менеп, юлды ҡарап төшмәҫһеңме икән”, – тип хәйләләгәндәр.
Хужа ни, кәлүштәрен һалып ҡултығына ҡыҫтырған да ағасҡа менә башлаған. Малайҙар: “Шул кәлүштәреңде нимәгә унда алып менәһең инде?”, – тигәс, Хужа: “Ю-ю-ҡ, ҡалдырмайым, әгәр ҙә ағас башынан тура юл булһа, шунан ғына ҡайтып китәм”, – тигән
41 1
«Һәнәк» журналы, журнал «Вилы»

28 Sep, 09:00

Открыть в Max Поделиться
Йөҙ йәшкә – йөҙ мең һум!
Бер быуат йәшәһәң — йөҙ мең һум түләйҙәр, ти. Ишеттегеҙме? Ә, бәлки, 200 мең һум?..
Бындай башланғыс менән РФ Йәмәғәт палатаһы секретары урынбаҫары Владислав Гриб сығыш яһаны.
Ул 100 йәш тулған граждандарға кәмендә 100 мең һум, ә бәлки 200 мең һум түләргә кәрәк, тип белдерҙе — ил халҡы өсөн был үҙ һаулығы тураһында ҡайғыртырға өҫтәмә стимул буласаҡ.
Йәмәғәт фекеренсә, оҙон ғүмер кисереп, сәләмәт йәшәү рәүеше алып барған һәм ил файҙаһына хеҙмәт иткән кешеләр бындай ярҙамға лайыҡ.
32
«Һәнәк» журналы, журнал «Вилы»

23 Sep, 12:20

Открыть в Max Поделиться
Банк хеҙмәткәрҙәрен аңламайым. Уларға йөҙәр меңләп аҡсамды ышанып тапшырам, ә уларҙың ручкалары ла бауға бәйле була – миңә ышанмайҙар.
***
Аҡсаны аҡыл менән тотоноп булмай ҙа ҡуя. Йә – аҡыл, йә аҡса етмәй
***
Сит илгә осоусы самолётта бортпроводник Рәсәй турисынан:
– Сәй, ҡәһүә, һыу? – тип һорай.
Пассажир:
– Бушлаймы? – ти.
– Эйе! – тип яуаплай бортпроводник.
Пассажир:
– Улайһа, миңә өсөһөн дә бирегеҙ!..
58
«Һәнәк» журналы, журнал «Вилы»

22 Sep, 14:07

Открыть в Max Поделиться
- Улым, ниңә математичка менән физруктың үбешкәнен барыһына ла һөйләп бөттөң?
- Һуң, математичка үҙе һораны ла инде...
- Нисек инде үҙе һораны?!
- Дәрестә ултыра инек, миңә: "Зәкир, ниңә көлөп ултыраһың унда. Әйҙә, бөтәһенә лә һөйлә, беҙ ҙә көләйек!" тине.
***
Һайлау участкыһына оло ғона йәштәге бабай килеп инә.
- Минең әбей һайланымы ул?
- Әбейегеҙҙең исеме кем була, бабай?
- Мөхөпямал Аллаяр ҡыҙы.
- Эйе. Иртәнге 9.00 тигәндә үк һайлап сыҡҡан...
- Бергә йәшәмәйһегеҙме әллә бабай, әбейегеҙ менән ?
- Йәшәнек, ҡыҙым, йәшәнек... Тик ун биш йыл элек ул гүр эйәһе булып ҡалды. Шуға ҡарамаҫтан йыл да һайлауҙарҙа ҡатнаша, осрата алмайым да ҡуям!..
***
Бер башҡорт адвокатҡа килгән дә, кәңәш һорай:
- Күршемдең миңә 30000 һум бирәсәге бар. Ҡайтарырға уйламай. Нисектер суд аша булһа ла хәл итеп булырмы икән?..
- Була, тик бының өсөн ҡулығыҙҙа бурысы барлығын иҫбатлаусы яҙма документтың булыуы мөһим. Бармы?
- Уйй... Юҡ шул! Былай ғына тотторғайным ҡулына.
- Улайһа күршеңә ватсаптан "Алып торған 70 мең һумды ҡайтар!" тип хәбәр яҙ.
- 70 түгел дә инде, 30 мең һум...
- Күршең дә һиңә тап шулайтып яуап ҡайтарасаҡ, ә һинең ҡулыңда - иҫбат!
40
«Һәнәк» журналы, журнал «Вилы»

22 Sep, 14:03

Открыть в Max Поделиться
Репост из: Радий Хабиров
Видео недоступно для предпросмотра
Смотреть в Max
Руководствуясь конституционными обязанностями как Главы Башкортостана и клятвой служить народу республики, гарантировать права и свободы человека и гражданина, выкладываю свою позицию по ситуации, происходящей в руководстве Верховного суда Республики Башкортостан, и новым подробностям, которые стали нам известны.
68
«Һәнәк» журналы, журнал «Вилы»

21 Sep, 10:34

Открыть в Max Поделиться
40
«Һәнәк» журналы, журнал «Вилы»

20 Sep, 14:14

Открыть в Max Поделиться
АЙ КЕМДЕКЕ?

Кеше һине аҡыллы тип уйлаһын өсөн нәмә эшләргә кәрәк? Бының өсөн ҡайһы саҡта телде тыйыу ҙа етә. Яңыраҡ АҠШ президенты Дональд Трамп сираттағы тапҡыр бар донъяны шаҡ ҡатырырлыҡ «асыш» яһаны. Баҡһаң, Ай АҠШ-тыҡы икән! Бөтә илдәр таныған халыҡ-ара килешеүҙәргә ярашлы, Ай бер нисек тә айырым дәүләттеке була алмай. Хәҙер нимә көтөргә унан? Бәлки, Ҡояшты ла оҙаҡламай үҙенеке итер? Ғалимдар әйтеүенсә, аяҙ төндә осҡор күҙле кеше күк йөҙөндә ике меңләп йондоҙҙо күрә ала. Уларҙың дөйөм һаны нисәлер – бер кем дә белмәй. Бәлки, сират йондоҙҙарға ла етер?
Күрәһең, Гренландияны, Канаданы АҠШ-тыҡы итергә маташҡан Трамптың бөтөнләй «ҡыйығы китә» башлаған, хәҙер үҙен Йыһан хужаһы тип кенә иғлан итеүен көтәһе ҡалды. Булыр ҙа. «Һәнәк»тең ышаныслы сығанаҡтарҙан алынған мәғлүмәтенә ярашлы, 80 йәшлек Трамп туҡтауһыҙ ауыҙ эсенән бер көйҙө мөңгөрләп йөрөй, имеш. Һүҙҙәре былайыраҡ яңғырай:

– Мин дә Айға менер инем –
Булһа арттан этеүсе!

Кәкре БӨКРИЕВ.
44
«Һәнәк» журналы, журнал «Вилы»

18 Sep, 08:52

Открыть в Max Поделиться
Видео недоступно для предпросмотра
Смотреть в Max
Һаҡ булығыҙ!!! Иғтибарлы булығыҙ!!!
51
«Һәнәк» журналы, журнал «Вилы»

16 Sep, 12:01

Открыть в Max Поделиться
Бер ир аталғаны һөйәркәһенең телефон номерын үҙенең телефонына "Спам" тип яҙып теркәгән. Ҡатыны һиҙеп ҡалмаһын өсөн.
Бер мәл ир төндә ҡаты йоҡоға талғанда телефоны балҡыған. Ҡатыны уянып китеп ҡараһа, "Спам" шылтырата икән. Ныҡыш булған тегеһе, әленән-әле шылтыратҡан да, яуап булмағас: "Һин ҡайҙа, һағындым", — тип смс ебәргән. "Спам"дың кем икәнлеген белеп ҡалған ҡатын йоҡлап ятҡан иренең ҡуйынына инеп селфи эшләгән дә, фотоны һәм "Спим" тигән смс ебәргән.

Әхмәр Үтәбай. "Мең дә бер күҙәтеүем" яҙмаларынан
965-се күҙәтеү.
88 1
«Һәнәк» журналы, журнал «Вилы»

16 Sep, 09:57

Открыть в Max Поделиться
Сараһын тапҡан
Күрше ауылда Солтанғәле тигән ағайҙың бысып, ярып, өйөп ҡуйған утынын ҡайһылыр күршеһе юҡ-юҡта урлап яға икән. Был кем икәнен белмәй. Асығын белмәгәс, барып бәйләнеп бул­май бит инде. Көндәр һалҡынайтып, ағасы ныҡ кәмей баш­лағас, был хәйлә ҡора: утындың бер нисәһен тишә лә эсенә тыңҡыслап дары һалып, сөйләп ҡуя. Бер көндө уғры күршеһенең мейесе шартлап ярыла. Шунан бирле утынға тейгән кеше булманы, тип һөйләне ағай.
Х. ӘМИКӘСЕВ. https://henek.info/articles/tu-tau-y-k-l-m/2026-09-16/sara-yn-tap-an-4814243
47
«Һәнәк» журналы, журнал «Вилы»

15 Sep, 14:08

Открыть в Max Поделиться
Иғтибар итегеҙ!
52
«Һәнәк» журналы, журнал «Вилы»

15 Sep, 09:26

Открыть в Max Поделиться
Видео недоступно для предпросмотра
Смотреть в Max
📌 Мобилизацияланғандар өсөн тәғәйенләнгән автомобилдә судьяларҙы йөрөткәндәр
📌 Башҡортостан Республикаһы Юғары Суды етәкселегендә кланлыҡ һәм коррупция билдәләре
📌 Урындағы кадрҙарҙы эштән сығарыу
⚡️ Башҡортостан Юғары Суды эшмәкәрлегендә Радий Хәбировты нимә асыуландырған? Селтәрҙә видеоның тулы версияһы барлыҡҡа килде. Бына төп белдереүҙәр.
56
«Һәнәк» журналы, журнал «Вилы»

15 Sep, 07:48

Открыть в Max Поделиться
– Ишғәле, тауыҡбаш, тип кемгә әйтәләр ул?
– Ҡушғәле, бәй, шуны ла белмәйһеңме ни? Уйламай эшләгән, юҡ-бар һөйләгән әҙәмдәргә эләгә был баһа. Бер уйлаһаң, тауыҡтан да егәрле һәм файҙалы ҡош-ҡорт юҡ бит: көн дә тигеләй йомортҡа һала, егерме көнләп ҡуҙғалмай ҙа себештәрен баҫып ултыра, улары сыҡҡас, йыуаш тауыҡ арыҫлан йөрәклегә әйләнеп, ҡурсый, һаҡлай. Бөгөнгө көндә донъяла иң күп ҡулланылғаны ла тап тауыҡ ите. https://henek.info/articles/++-++/2026-09-14/tauy-bashtar-4812100
50
Показано 20 последних публикаций.