Крестях // Кириэстээх сонуннара

🎵🎼🎶 Ырыа алыбар куустаран...

Күһүҥҥү сиппэрэҥ ардах аннынан, ардаҕы аахсыбакка, самыыры билиммэккэ сунтаардар “Бартыһаан” кулуубар тоҕо анньан кэлэммит, сааланы ыы - быччары олорон Сунтаар ырыа айааччыларын кэнсиэрин көрдүбүт.

“Көҕүөр” хор Дьэрэлийэ Күндээрдиин “Сунтаар ахтылҕана ырыанан арыйа тардан кэбистилэр. Манна олорон истибитим, ааспыт үйэ 90-нус сылларыгар аан бастаан Валерий Коротов мелодистары түмпүт эбит. Онтон өр сылларга Анна Тотонова – Күн Күөрэгэйэ салайан кэлэн баран күн бүгүн бу солотун эдэр эрчимнээх, 100-тэн тахса ырыа дьүрүлүн айбыт, аранжировщик Денис Петровка – Сиоҥҥа туттарда. “Сунтаар иэйэр куттара” диэн аат ылыммыттар уонна хас биирдии ырыа айааччыга дастабырыанньа биэрдилэр. Бу аптаах киниискэни көрдөрдүлэр даҕаны кулууп ыытар тэрээһиннэригэр 50 бырыһыан төлөөн киирэллэр, айар кэнсиэрт оҥорор буоллахтарына аренда төлөөбөттөр диэтилэр. Улуус культуратыттан Наталья Степанова наҕараадалары туттарда.

Улуус ырыа айааччылара бары нэһилиэктэртэн, куораттан тиийэ кэлбиттэр. 3 ырыалаах автортан 3 компакт диискэни таһаарбыт автордарга тиийэ бааллар. Икки ырыаҕа “Түһүлгэлэр” антуражтаатылар. Оҕолор үҥкүүлүүллэрэ үчүгэйэ бэрт буолан сорох сорох түгэннэргэ ырыаһыты да сабырыйыах курдуктар, сэрэнэн антуражтатыллыыһы.

Өрөспүүбүлүкэ таһымнаах ырыаһыттар көстүүмнэрэ, прическалара, макияжтара, сценическай культуралара, ырыаны көрөөччүгэ тиэрдиилэрэ ала – чуо атына тута харахха быраҕыллар, атыттарга босхо мастер класс дии санаатым.

Баара эрэ 7 нуотаны өрө – таҥнары хатайдаан араас матыыптары айаллара дьэ сүрдээх, бииртэн биир майгыннаспат, ол быыһыгар ханнык эрэ ырыаҕа маарынныыр диэн эмиэ ыллым. Музыкальнай үөрэхтээх ырыаһыттар отой хайдах эрэ атыннык ыллыыллар, музыкаларыгар хайдах эрэ дьип – дьап курдук тахсыһаллар – түһэллэр. Мин анал музыкальнай үөрэҕим суох, туох диэн буоларын билбэппин, мин истэрбэр олус үчүгэй. Саҥа эдэр ырыа айааччылар баар буолбуттарын олус сэргээтим.

Сэгэттэйдэрбит, доҕоччуоктарбыт тапталларын күлүмүгэр ыллаан, сыллаан, уураан, түүн түүлбүтүгэр көстөн аас диэн араастык иэйэн – куойан астык кэнсиэри көрдүбүт. Кэнсиэрт бастаан эрэ тахсыбыт бары саҥардаҕына бүгүн бүппэт эбиппит дии санаабытым ыытааччылар сып – сап салайаннар аллаах ат айанын курдук кудуххайдык барда.

Сунтаар киэн туттуута, аксакалбыт Сиэн Тиитэп Сунтаарга төрөөбүтэ, олороро үчүгэйиин. Кини баар буолан “Кэрэтиэн мин дойдум, Сунтаарым” ырыа айыллан сунтаардар бары санаабытын сайа этэн ыллана сылдьарыттан олох киһи эгди буолар, түөскүн киэн туттуу тиирэ киэптиир.
Ҕ
Кэрэтиэн мин дойдум, Сунтаарым!!!

Зинаида Федотова - Дьол Кыыма

📹 Сергей Семенов - Сэгэй "Бөссүөнэп саада" ырыатынан кытынна 🎶🎼🎵

Тэрээһин үһүс түһүмэҕэр "аһаҕас микрофон". Эҕэрдэлэр, араас дойдуттан илдьэ кэлбит сувенирдарын быыстапкаларын билиһиннэрии, ааспыт кэми санатар викториналар, оонньуулар тэрилиннилэр.
Нэһилиэк тэрилтэлэрин, түмсүүлэрин көмөлөрүнэн тардыллыбыт баай астаах сандалы, бэйэ оҥорбут бэлэхтэрэ барыта аҕам саастаах дьоҥҥо ананна.
⬇️⬇️⬇️
https://max.ru/id1424006600_gos2/AaD5jINGQQw

Улуус кырдьаҕастарын сэбиэтиттэн, куораттан биир дойдулаахтарбыт, оскуола үөрэнээччилэрин видео эҕэрдэлэрэ 💖

Сцена бэтэрээннэрин эҕэрдэ ырыалара 💖

Култуура киинин дириэктэрэ Альбина Платонова 40 сыл бииргэ олорбуттарын бэлиэтиир күннэринэн Альберт Даниловка, Галина Варламоваҕа эҕэрдэ сурук, өйдөбүнньүк бэлэх туттарар 💖

Кэнсиэр бастакы чааһыгар уһуйаан, оскуола оҕолорун ырыалара, хоһоонноро, үҥкүүлэрэ, видеоэҕэрдэлэр киирдилэр 🎶🎵🎼

🎤🎤🎤 Баһылык Александр Григорьев бырааһынньыгынан эҕэрдэтэ.

Олохторун бэлиэ күнүнэн Екатерина Тимофееваҕа, Наталья Васильеваҕа, Анатолий Саввиновка эҕэрдэ суруктары, өйдөбүнньүк бэлэхтэри туттарар 📜📜📜

✨✨✨ Култуура киинигэр Аҕам саастаахтар Аан дойдутааҕы күннэригэр аналлаах бырааһынньыктааҕы үөрүүлээх тэрээһин саҕаланар.
Медицинскэй сиэстэрэ Варвара Игнатьева кэлбит дьону көрөр - истэр. Саалаҕа дьон мустар. Араас быыстапкалар турбуттар 🖼🖼🖼

💫💫💫 Васильева Наталья Егоровна Кириэстээх политехническай орто оскуолатын нуучча тылын уонна литературатын учуутала, Саха сирин үөрэҕириитин туйгуна, Учууталлар учууталлара бэлиэ хайаайката, Саха Республикатын үөрэҕириитин бочуоттаах бэтэрээнэ, нэһилиэк бочуоттаах олохтооҕо бүгүн алтынньы 1 күнүгэр 70 сааһын бэлиэтиир.
Наталья Егоровна 1982 с. ЯГУ -ну бүтэриэҕиттэн нуучча тылын уонна литературатын учууталынан 40 тан тахса сыл кэскиллээхтик үлэлээтэ.
Бу сыллар тухары элбэх көлүөнэ ыччат киниэхэ такайыллан, араас идэни баһылаан үлэһит дьон буоллулар. Күн бугун оскуола эдэр учууталларыгар наставник, методист учуутал быһыытынан көмөтэ элбэх.
Үөрэнээччилэр, төрөппүттэр, коллегаларын ытыктабылларын, махталларын ылар. Ирдэбиллээх, киэҥ билиилээх учуутал үлэтэ эмиэ таһаарыылаах.
Наталья Егоровнаҕа бары үтүөнү, кэрэни, куруук билиҥҥиҥ курдук үлэ үөһүгэр үөрэ- көтө сылдьаргар баҕарабыт 💐💐💐

Кириэстээх политехническай орто оскуолатын коллектива

Өрөспүүбүлүкэтээҕи сэрии, тыыл, үлэ, быраабы араҥаччылыыр органнар уонна сэбилэниилээх күүстэр бэтэрээннэрин общественнай тэрилтэтин Кыһыл Знамята бүгүн Мииринэй оройуонун кыраныыссатыгар 🚩🚩🚩 Кириэстээхтэн баһылык Александр Григорьев, юнармеецтар Ян Анисимов, Рональд Спиридонов, аҕа саастаах көлүөнэттэн Татьяна Платонова, Христина Моякунова, Александра Никифорова. Суоппар Игорь Контогоров.

🍁🍁🍁 Уопсастыба олоҕор аҕам саастаах дьон ураты суолтаны ылаллар. Ол чэрчитинэн алтынньы 1 күнүгэр ыытыллар Аан дойду кырдьаҕастарын күнүн көрсө култуура киинин дириэктэрэ Василий Васильев салайааччылаах Дьаархан нэһилиэгин кырдьаҕастара биһиэхэ кэлэн ыалдьыттаан аастылар. Бары да тус туспа суоллаах – иистээх, талааннаах аҕам саастаах дьон сонуннара да элбэх. Василий Васильевич нэһилиэк 225 сыллаах үбүлүөйүнэн өйдөбүнньүк бэлиэни Альбина Платоноваҕа туттарда. Күндү ытык-мааны ыалдьыттарбытыгар өссө да уһуннук олорон чэгиэн-чэбдик сылдьарыгытыгар баҕарабыт. Эйэлээх халлааны, дьолу – соргуну!

Бүгүн, балаҕан ыйын 30 күнүгэр Кириэстээх нэһилиэгэр ураты күн үүннэ. Бүтүн Россиятааҕы ветераннар уопсастыбалара 1986 сыллаахха тэриллибитэ,үонтон Саха сиринээҕи ветераннар Өрөспүүбүлүкэтээҕи советтара 1987 сыллаахха олохтоммута. Бу үбүлүөйдэргэ анаан улуустарынан бэлиэ знамя эстафетата ыытыллар, онно Сунтаар улууһа эмиэ көхтөөхтүк кыттар. Знамяны биһиги нэһилиэкпитигэр үөрүүлээх быһыыга туттарда ыаллыы Бүлүүчээн нэһилиэгин дьаһалтата, баһылыгы солбуйааччы Айталина Михайлова, култуура киинин дириэктэрэ Нюргустана Татаканова, В.Г.Акимов аатынан лиссиэй дириэктэрэ Василий Степанов.
Знамяны тутта нэһилиэк дьаһалтатын сүрүннүүр специалиһа Галина Сортолова. Кыттыыны ыллылар "Кустук" эбээлэр түмсүүлэрэ, Кириэстээх политехническай орто оскуолатын үрдүкү кылааһын үөрэнээччилэрэ, юнармеецтар, нэһилиэк олохтоохторо. Ыалдьыттар уохтаах кымыһынан, саҥыйахтаах алаадьынан күндүлэннилэр.
Знамяны сарсын, алтынньы 1 күнүгэр Алмаастаах Мирнэй куоракка олохтоох дьаһалта тиэрдиэ.

Сунтаар улууһун култууратын үлэһиттэрин ааттарыттан Саха Өрөспүүбүлүкэтин Судаарыстыбаннаһын күнүнэн эҕэрдэ!

@samoylov_afanasy Полярное сияние - действительно завораживающее зрелище, да еще звуки какие: это гуси летят на юг.
Их едва уловимое гоготанье, доносящееся из тёмного ночного свода, кажется лучшим аккомпанементом к безмолвному танцу небесных огней. В этом сочетании есть что-то первобытное, почти мистическое: всполохи зеленого пламени, беззвучно разливающиеся под звездным куполом, и этот живой, земной звук, прорезающий холодную тишину. Кажется, будто сами небеса решили спуститься ближе к земле, чтобы проводить караван птиц, уходящих от надвигающейся зимы в края, где солнце дарит тепло...

Бу түүн Сунтаарга 📹📹📹