⛏️Сэһэн Ардьакыап аатынан улуус түмэлэ "Рудный след: экспедиция по древним месторождениям Усть Алданского района" бырайыагынан «ВТБ банк благотворительнай пуонда» гранын кыайыылааҕынан буолан, бу күннэргэ экспедиция чилиэттэрэ 7 күннээх айаҥҥа туруннулар.

Экспедиция чилиэттэрэ былыргы тимир уһаарыллыбыт сирдэрин чинчийиэхтэрэ. Бу сырыы түмүгүнэн көстүбүт тимир рудалартан уустар саха быһаҕын оҥорон таһаарар маастар-кылаастары ыытыахтара.

Маны таһынан улуус түмэлигэр быыстапка туруо уонна научнай-практическай конференция ыытыллыаҕа.

Бырайыак олоххо киириитигэр улуус дьаһалтата, улуус тимир уустарын түмсүүлэрэ, культура салалтата, улуус кыраайы үөрэтээччилэрэ күүс-көмө буолуохтара.

“Бу бырайыак Саха норуотун биир төрүт дьарыга умнууга хаалбатын туһугар сүрүн саҕалааһынынан буолар”, - диэн кыраайы үөрэтэр түмэл үлэһиттэрэ бэлиэтээбиттэрин курдук, норуот култууратын быстыбат ситимин олохтуур суолталаах тэрээһин саҕаланан, үтүө түмүктэри аҕаллын.

‎📲Мах-каналбытыгар сурут
‎⬇️
‎https://max.ru/channel_ua_murusahargata
‎
‎🌐 https://мюрюгазета.рф/
‎
‎✅ @uamurusahargata @ulusmedia